Zer da Ganbera?
Zure beharrei erantzuteko laguntza emango dizugu, zure helburuak lor ditzazun eta zure ikuspegia bete dadin.
Arabako Merkataritza, Industria eta Zerbitzu Ganbera zuzenbide publikoko korporazio bat da eta Araban jarduten du.
Askotariko zerbitzu, programa eta jardueren bitartez, Arabako Ganberak, enpresa-kudeaketan aholkularitza, prestakuntza, networkinga eta laguntza eskaintzen ditu eta sektore eta negozio bakoitzaren behar espezifikoetara egokitzen da. Horri esker, lurraldeko enpresen erreferentziazko bidelaguna gara.
Arabako enpresa-sarea ordezkatzen duen erakundea izanik, Arabako Ganberan lankidetza estuan jarduten dugu erakunde publikoekin, enpresa-erakundeekin eta bestelako agente giltzarriekin, modu horretan, garapen jasangarrian eta lurraldearen defentsan eta ongizatean laguntzeko.
Aurten 120 urte bete ditugu eta, beti bezala, Arabaren garapen ekonomikoarekin konprometituta jarraitzen dugu. Gure helburu nagusia Arabako enpresen hazkundea eta lehiakortasuna sustatzea eta ekintzailetza, berrikuntza eta nazioartekotzea bultzatzea da.
Helburuak lortzen lagunduko dizugu.
Zer zerbitzu eskaintzen dizkizugu?
Arabako Merkataritza, Industria eta Zerbitzuen Ganberan, informazio-, prestakuntza- eta sustapen-ekintza, -programa eta -zerbitzuen bidez ematen dugu erantzuna Arabako enpresen eta ekonomiaren premiei. Gure jardueraren ardatza, funtsean, honako eremu estrategiko hauek dira:
- Arabako enpresak kanpoko merkatuetan egon daitezen bultzatzen dugu, haien nazioartekotzearen alde eginez.
- Prestakuntzarik onena ematen diegu enpresetako zuzendari eta erdi-mailako agintariei.
- Arabako industriaren lehiakortasuna hobetzen dugu eta berrikuntza-politikak aplikatzen laguntzen dugu.
- Merkataritza, ostalaritza, turismoa eta ardoa sustatzen ditugu, sinergiak sortuz eta optimizatuz.
- Ekintzaileei laguntza eta aholkularitza ematen diegu beren enpresa-proiektua sortzeko eta sendotzeko prozesuan.
- Arabako Interes Orokorrari laguntzen diogu
Zergatik da Arabako Ganbera fidagarria?
- Esperientzia handia dugulako enpresa-eremu askotan, eta gure lantaldea aditua eta profesionala delako.
- Beste eredu batzuek ez bezala, Arabako Ganberan ez dugulako bazkiderik, baizik eta Arabako enpresa guztiak ordezkatzen ditugu.
- Hainbat arlotan eta erakunde-programetan zeharka lan egiten dugunez, zeharkako ikuspegi horrek gure proiektu guztiak aberasten dituelako.
- Arabako enpresa garrantzitsuenek gure Osoko Bilkura osatzen dutelako.
- Eta, gainera, Nazioarteko Merkataritza Ganberen Sarearen babesa dugulako.
Zerk definitzen gaitu?
MISIOA
Enpresen eta Arabako garapen sozioekonomikoaren beharrei erantzuten diegu zerbitzu-prestazio efizientearen eta lurraldearen interes orokorrak defendatzearen bitartez.
IKUSPEGIA
- Enpresek behar duten informazioa, prestakuntza eta promozioa errazteaz gain, topaketa-lekua gara.
- Profesionalak gara eta sektoreetatik, herritarrengandik eta lurraldetik hurbil gaude eta egoera ekonomikoarekiko sentikorrak gara.
- Erakundeekin, agenteekin eta bestelako erakundeekin osagarritasun-eginkizuna betetzen dugu.
- Etorkizuneko beharrak detektatzen proaktiboak gara eta lan hori gidatzen dugu.
- Pluraltasuna eta aniztasuna sustatzen ditugu.
- Industriaren, merkataritzaren eta zerbitzuen interes orokorra ordezkatzen dugu.
BALIOAK
Errespetua, pasioa, zorroztasuna, zintzotasuna eta anbizioa.
