Sektore anitzeko misio komertziala Mexikon

Arabako Merkataritza, Industria eta Zerbitzu Ganberak, Arabako Foru Aldundiarekin lankidetzan, INTERKOOP programaren barruan, merkataritza-azterketa egiteko bidaia antolatu du MEXIKORA 2025eko ekainak 16,17 eta 18.

MEXIKO Amerikan estrategikoki kokatuta dago. 125 milioi biztanle baino gehiagoko merkatua du eta eskaria etengabe hazten ari da. Azken urteetan hazkunde egonkorra izan du eta bertako industria gorantz doa. Munduko potentzia ekonomikoa izaten jarraitzen du, eta MMEk herrialde inportatzaileen 12. postuan kokatzen du.

Europar Batasunarekin dituen akordioei esker, inportazio muga-zergak oso txikiak dira. Bere lurralde zabala gero eta dibertsifikatuagoa da eta, sektorearen arabera, estatu bakoitzean hainbat aukera eskaintzen ditu.

Merkatu horretan aukera komertzial interesgarriak dituzten sektoreak hauek dira, besteak beste:

• Automozioa
• Aeroespaziala
• Nekazaritzako elikagaiak
• Eraikuntza eta azpiegiturak
• Elektronikoa
• Elektrikoa
• Telekomunikazioak
• Manufakturak

Helburuak

Misio komertzial hau Mexikoko merkatuarekin merkataritza, inbertsioa eta garapen ekonomikoa sustatzeko antolatutako jarduera estrategikoa da. Hauek dira misioaren helburu nagusiak:

• Mexikoko merkatua aztertzea, negozio-aukerak identifikatzea eta merkatuaren baldintza ekonomikoak, legalak eta kulturalak ezagutzea.
• Parte hartzen duten enpresen produktuak edo zerbitzuak sustatzea. Banatzaile, bezero edo bazkide komertzial izan daitezkeenekin harremanetan jartzea.
• Helburu den merkatuko lehiakideen estrategiak eta ezaugarriak aztertzea. Tokiko eta nazioarteko lehiakideen aurrean eskaintza hobeto nola kokatu ebaluatzea.
• Kontaktuak egitea (Networking): helburuko merkatuan funtsezkoak diren enpresa, erakunde edo instituzioekin bilerak errazteko, eta aliantza estrategikoak egin ditzaketen harreman komertzialak eraikitzeko.

Norentzat da misioa?

• Enpresa txikiak
• Enpresa ertainak
• Ekintzaileak / mikroenpresak

Zer eskaintzen dugu?

• Arabako Merkataritza, Industria eta Zerbitzu Ganberak enpresa parte-hartzaile bakoitzaren hegazkinak, hotela eta joan-etorrietarako ibilgailua erreserbatuko du.
• Helmugan kokatutako kolaboratzaile adituek parte-hartzaileentzat interesgarriak izan daitezkeen enpresekin egindako bileren agendak.
• Networking jarduerak erakunde publikoekin eta parte hartzen duten enpresentzat interesgarriak diren beste profil batzuekin.
• Antolaketa-laguntza misio komertzialean zehar.
• Ganberak dirulaguntza kudeatuko du Arabako Foru Aldundiaren INTERKOOP programaren bidez. Programa horrek gastu hauei aplikatu beharreko % 60 estaltzen du*:
• Bidaia, ostatua eta joan-etorriak
• Bileren agendak

*Ordainketa osoak Merkataritza Ganberak egiten ditu, joan-etorriak eta hotelak erreserbatzeagatik bere izenean egindako fakturetan oinarrituta. Gero, misio komertziala amaitzean, parte hartu duen enpresa bakoitzari fakturatzen dio egindako gastu osoaren % 40.

Aurreikusitako ibilbidea

• Ekainaren 16an (astelehena), 17an (asteartea) eta 18an (asteazkena), bileren agenda.
• Ekainak 19, osteguna: itzulerako bidaia.

Egunero networking saio lasaiak izango ditugu enpresa parte-hartzaileen artean, informazioa kontrastatzeko, esperientziak partekatzeko eta merkatua hobeto ezagutzeko.

Informazio gehiago eta izena ematea

Onintza Corres

Pablo Alday

Telf.: 945141800

Emaila: internacional@camaradealava.com

Gaia: Mexikorako misioa

Izena emateko epea 2025eko apirilaren 11n amaituko da.